Невремето кое попладнево ја зафати Битола предизвика поплавување на дел од улиците во Битола. Вака изгледаше улица „Прилепска“ попладнево за време на врнежите. А слични ситуации имаше и низ други улици, каде водата го отежнуваше нормалното движење.
Во меѓувреме, градоначалникот на Битола, Тони Коњановски соопшти дека за во 18:00 часот го свика општинскиот кризен штаб по повод интензивните врнежи на дожд кои ја зафатија Битола.
„Општина Битола ќе ги стави на располагање сите расположливи ресури и сум во постојана координација и комуникација со надлежните институции се со цел санирање на последиците од интензивните врнежи на дожд“ вели Коњановски.
