Градоначалникот на Општина Битола Тони Коњановски денеска им го честиташе 23 Мај, Националниот ден на Власите на сите припадници од влашката заедница.
„Во мое лично име и во име на Општина Битола, на сите припадници на влашката заедница, Ви го честитам, 23 Мај – Националниот ден на Власите, со желби за добро здравје, љубов и среќа во Вашите семејства.
Влашката заедница низ историјата дала голем придонес во градењето на македонската држава, а нејзиното делување е многу значајно за Битола, посебно во развојот и промоцијата на културата и традиционалните вредности.
Верувам дека и понатаму, како сограѓани и добри соработници, ќе продолжиме заеднички, успешно да соработуваме и да го трасираме патот на напредокот на нашиот град и создавањето подобра иднина за нашата држава.
Нека Ви е честит и за многу години 23 Мај – Националниот ден на Власите!“, се вели во честитката од градоначалникот Коњановски.
