Американскиот претседател Џо Бајден се сопна и падна откако ја врачи последната диплома на церемонијата на дипломирање на американската академија на воздухопловните сили.
80-годишниот американски претседател брзо се крена на едно колено, вели Ројтерс, со помош на три лица, и се врати на своето место.
Директорот за комуникации на Белата куќа Бен ЛаБолт на Твитер објави дека Бајден е добро.
Бајден се кандидира за реизбор во 2024 година. Лекарите го прогласија за здрав и способен за должност по физичкиот преглед во февруари.
