Денеска, понеделник, 26 октомври, планирани се прекини во снабдувањето со електрична енергија на повеќе локации во Битола и околината.
Од 08:00 до 16:00 часот, без струја ќе бидат дел од селото Дихово и ресторанот „Вила Виста“.
Во градот Битола, од 08:45 до 12:45 часот, прекините ќе ги опфатат улиците „Димче Лахчански“, „Ружа Делчева“, дел од улицата „Генерал Васко Карангелевски“, „Тодор Паница“ и „Народни херои“, заедно со околните стопански и нестопански објекти. Во известувањето дополнително се наведуваат улиците „Ружа Делчева“, „Васко Карангелевски“ и „Тодор Паница“ со околните објекти.
За денеска нема потврдена најава за прекин во водоснабдувањето.
Градежни активности би требало да продолжат на улиците „Дебарска“, „Христо Ботев“ и „Маркс и Енгелс“, “Чеде Јовановски” како и во подрачјето околу „Ат Пазар“. Возачите се повикуваат на внимателно движење и почитување на сообраќајната сигнализација.
