„Урбана скица од четири лица“ е најновата изложба поставена во малата сала на Завод и Музеј во Битола, а е показател за соработката на оваа национална културна установа со ДЛУБ – Друштвото на ликовни уметници од Битола.
Претставени се четворица автори членови на ДЛУБ – Симеон Силјановски, Роберт Михајловски, Драган Најденовски и Владимир Симоновски. Изложени се различни медиуми, сликарски дела во различна техника и скулптури.
Синоќешното отворање привлече многу љубители на ликовната уметност и изложбата претставува своевидно отворање на есенската сезона на културна и уметничка сезона што произлегува од Завод и Музеј, вели директорката Маргарита Спасов.
Авторите се добро познати на битолската и македонска публика, па свеченото отворање привлече многу љубители на уметноста и поддржувачи на битолското ликовно изразување.
Изложбата ќе биде поставена до 28 септември.
