Песната на ДНК, со наслов „Романи”, со која дечките го заокружија последниот студиски материјал „Дваесет”, заокружи бројка од 100.000 јутјуб прегледи.
„Убава љубовна тема. Метафорична приказна, несекојдневен спој и песна со неочекуван рефрен, нешто што ете го чувавме како последнo парче од приказната наречена „Дваесет”, албум што значи заокружување на овој наш 20-годишен јубилеј”, велат Панчо и Андреј.
Видеото за „Романи” е снимено во Турција и е со потписот на Даниел Јовески, во кадрите, кои ја следат приказната од текстот, освен Панчо и Андреј се појавува и моделот Ана Парлапанова.
На албумот уште се и темите „Кога би знаела сѐ”, „Ромео и Јулија”, „Ние”, „Македонија на Европско” и други. Токму со промоција на албумот 20 ДНК одбележаа 20 годишен јубилеј со голем концерт во Скопје.
