Киев одби уште еден бран воздушни напади во текот на ноќта на руските сили, изјавија официјални лица на 29 мај, еден ден откако украинската престолнина беше под, како што го опишаа властите „најголемиот“ напад со беспилотни летала врз градот од почетокот на војнатa, пишува Радио Слободна Европа.
„Поминаа само 18 часа од најголемиот напад на [беспилотни летала] врз Киев, а непријателот повторно го нападна главниот град“, соопшти градската воена администрација, додавајќи дека тоа е 15-ти воздушен напад врз Киев од почетокот на мај.
Одбранбените системи на Украина собориле повеќе од 40 беспилотни летала и крстаречки ракети, соопштија воените власти.
Градоначалникот на Киев, Виталиј Кличко, рече дека ова е „уште една тешка ноќ“ за градот, но додаде дека нема жртви и разурнувања како последица на последните воздушни напади.
