Пијано дуото Роберт Андрес, Хрватска/Португалија и Онор О’Хеа, Ирска
одржаа концерт во рамките на Интерфест во Офицерскиот дом. Тие изведоа дела на Шуман, Брамс, Дебиси, Мијо, Рахмањинов.
Ова пијано дуо е активно од 1995 година. Тие свиреа концерти и во комбинации на четири раце и две пијана и наидоа на ентузијастички одзив кај критичарите и кај публиката.Различни композитори, како Роџер Прајс, Педро Маседо Камачо и Жоао Виктор Коста, ги посветија своите дела на дуото. Тие настапуваа за многу фестивали и концертни серии во различни европски земји, вклучувајќи ги Италија, Франција, Германија, Шпанија, Полска, Кипар, Словачка, Украина, Португалија, Кипар, Ирска, Словенија, Белгија, Австрија и Хрватска, како и во Соединетите Држави.Тие одржаа рецитали на годишните конференции на ЕПТА (Европска асоцијација на наставници по пијано) во Дубровник (Хрватска) и Фуншал (Португалија).Во 2004 година тие настапија на Универзитетот во Тулса, Оклахома, за фестивалот „Tribute to Sequeira Costa“, со возвратна посета како гости уметници во април 2015 година.
Во 2008 година издадоа ЦД со соло и четирирачни пијано дела од Мадеиранскиот композитор Виктор Коста.Во 2015 година, тие прославија 20 години активност како дуо со изведба на Концертот за два пијано на Бруч со класичниот оркестар на Мадеира.Неодамна тие настапија за фестивалот Армони дела Сера, фестивалот „Пијано Ехос“ и Фестивалот на пијано Барлета (Италија), меѓународниот фестивал „Ејфел мјузикал“ (Германија), музичката серија Алгарве (Португалија) и „Концертите на Сент Мери“ (Париз, Франција).
Пијанистот Роберт Андрес и претходно битолската публика го знае од настапот на Интерфест во 2017 тата година. Настапува со самостојни рецитали, како солист со оркестар и како камерен музичар во многу европски земји како и во САД., Венецуела, Макао.
