Синоќа заврши 48-часовното гласање на социјалната мрежа Фејсбук, кое започна веднаш по завршувањето на последната емисија од музичкото шоу „Никад није касно“.
Во оваа финална рунда за влез во полуфиналето, силите ги одмерија тројца талентирани кандидати: Ивана Радисављевиќ, Илија Балтовски и Ружица Пејиќ. За нивната понатамошна судбина во натпреварувањето одлучуваше исклучиво публиката со своите гласови.
Со освоени убедливи 52% од гласовите, Илија Балтовски си обезбеди директен пласман во полуфиналето на шоуто.
Од друга страна, за Ружица и Ивана ова беше крај на патот во актуелната сезона, па публиката и жирито официјално се простија од нив. На победникот Илија Балтовски му претстои следната голема борба во полуфиналната фаза од натпреварувањето.
Битолчанецот Илија Балтовски се пласираше во полуфиналето на „Никад није касно“
