Истражувачкиот центар на ВМРО-ДПМНЕ „Љубиша Георгиевски“ и Фондацијата Конрад Аденуер одржуваат тридневна академија наменета за активисти од ВМРО-ДПМНЕ на локално ниво, насловен како „Важноста на ефективната комуникација во градењето успех“.
Тренинг-семинарот го отвори претседателот на ВМРО-ДПМНЕ, Христијан Мицкоски, кој ја истакна важноста на транспарентната и отворена и отчетна комуникација со граѓаните, во време на кампања, но и по преземањето на одговорноста да се води државата.
„Со учеството во политичкиот живот, вие повеќе не сте само граѓанин, туку имате одговорност да ја претставувате на најдобар можен начин ВМРО-ДПМНЕ и сите граѓани. Затоа, таа комуникација мора да биде сериозна, посветена и достоинствена. Граѓаните заслужуваат политичари кои вистински се грижат за државата“ рече Мицкоски.
На отворањето се обратија и Даниел Браун официјален претставник на Фондацијата Конрад Аденауер во Македонија, како и Гринтер Крихбаум пратеник во германскиот Бундестаг и портпарол на ЦДУ.
Во своето поздравно обраќање, Официјалниот претставник на Фондацијата Конрад Аденауер, Даниел Браун истакна.
„Професионалниот и позитивен настап е од големо значење за една политичка партија на сите нивоа. Локалното ниво е првата визит-карта на една партија за да ги убеди граѓаните во нејзината суштинска и лична компетентност во политичкото работење. ВМРО-ДПМНЕ е партија со силни корени во градовите и општините. Важно е истите да се зајакнат и понатаму да се развиваат овие вештини и способности, бидејќи довербата на граѓаните секогаш одново треба да се придобие“вели Браун.
Пред присутните свое излагање имаат и Ѓоргија Сајкоски генерален секретар на ВМРО-ДПМНЕ, потпретседателите на ВМРО-ДПМНЕ Александар Николоски, Гордана Димитриеска Кочоска, Владо Мисајлоски и Тимчо Муцунски, секретарот за меѓународна соработка Стефан Андоновски и членот на ИК и портпарол Марија Митева.
На акдемијата присутни се и локалните претседатели на ОК на ВМРО ДПМНЕ во Битола, Прилеп и Ресен, Пеце Милевски, Дејан Проданоски и Кире Божиновски.
