Српската влада на седница ја усвои Уредбата за посебни услови за вршење трговија со одредени видови стоки, со која се ограничуваат маржите во малопродажните синџири за основни прехранбени производи и други стоки важни за снабдување на граѓаните.
Уредбата, која стапува на сила на 1 септември и ќе важи шест месеци, ќе ги ограничи маржите на максимум 20 проценти за производи класифицирани во 23 категории, објави владата.
Меѓу производите што ќе поевтинат се млекото и млечните производи, мешаните производи, јајцата, безалкохолните пијалоци, кафето и чајот, свежото овошје и зеленчукот, преработеното овошје и зеленчукот, лебот и печивата, мешунките, замрзнатите производи, свежото и преработеното месо, свежата и преработената риба, солените кондиторски производи, слатки и житарки, шеќер и мед, брашно и тестенини, масла и масти, оцет, ориз, сол и зачини, хемикалии за домаќинството, хартија и кујнски прибор, лична хигиена и козметика, храна за бебиња и пелени.
Целта на усвојувањето на регулативата е да се заштити пазарот, односно да се спречи прекумерно зголемување на цените на стоките од големо значење за снабдувањето на граѓаните, се вели во соопштението.
Од понеделник, околу 20.000 производи ќе имаат нова пониска цена во продавниците, изјави за РТС министерот за финансии Синиша Мали.
