КК Пелистер – КК Гостивар 71-72
Неверојатен натпревар со големи пресврти одиграа Пелистер и Гостивар во салата „Боро Чурлевски“ во Битола. Гостите пропуштија +15, па лидерот се врати и поведе, но со тројката на Ефремовски од табла на осум секунди до крајот Гостивар стигна до победа.
Најефикасни кај Пелистер беа Малешевиќ со 21 и Стајиќ со 15 поени, додека во тимот на Гостивар се истакнаа Силаџи со 31 и Ренато Димитриевски со 13 поени.
За време на викендот во Битола гостува Еуро Никел в недела од 14:00 часот во рамите од четвртото коло на Суперлигата.
