РК Радовиш ги започна подготовките за новата ракометна сезона.
Новајлии се Јикица Вештица кој игра на позицијата среден бек, голманот од Битола, поранешен член на школата на Пелистер, Кристијан Костадиновски, левиот бек Гоце Ѓоргиевски, левото крило Дарио Јорданов. Соработката ја продолжија: Ангеле Органџиев, Иванче Ончев, Томче Трајчевски, Аце Марков, Славјан Паунов, Филип Трајанов, Кристијан Ристов, Здравко Постолов, Матеј Шапков, Ристе Атанасов, Аце Ристов и Костадин Ѓоргиев, Александар Долдуров и Спасе Ѓоргиев ја завршија кариерата и се повлекоа од активното играње ракомет.
Тренер останува Љупче Мијалов, а негов асистент ќе биде Живко Андонов.
