Најмалку 132 лица загинаа при уривање на мост во река во западна Индија, во државата Гуџарат, е новиот биланс на несреќата, пишува Радио Слободна Европа.
Околу 177 преживеани се извлечени од реката од страна на армијата, морнарицата и воздухопловните сили и се уште трагаат по исчезнатите по вчерашната несреќа, изјави претставник на одделот за информации на државата Гуџарат.
На видеата се гледа како стотици луѓе очајно се држат до скршената структура на мостот и се обидуваат да се спасат, додека луѓето од брегот викаат или скокаат во водата во обид да ги спасат оние што паднале.
Мост долг 232 метри кој датира од 19 век паднал во реката Мачу во областа Морби во државата, бидејќи не можел да ја издржи тежината на луѓето на него.
Мостот беше затворен поради реновирање речиси шест месеци и повторно беше отворен само четири дена пред несреќата.
Државниот министер Гуџарат Харш Сангви денеска ја потврди смртта на 132 лица и рече дека голем број повредени се во критична состојба во болница.
Тој додаде дека спасувачите работеле во текот на ноќта во потрага по преживеани. Најголем број жртви се тинејџери, жени и постари лица, рече тој.
