Серија експлозии утринава одекнаа во главниот украински град Киев, јавуваат западните медиуми. Ова е првиот руски напад на главниот град на Украина по неколку месеци пауза.
Градоначалникот на Киев, Виталиј Кличко, потврди дека имало неколку експлозии во централниот Шевченковски реон во Киев и додаде дека ќе соопшти повеќе детали подоцна.
Во експлозијата има загинати и повредени, соопштија украинските служби за итни случаи.
Експлозиите во Киев доаѓаат само два дена откако единствениот мост што ја поврзува Русија со окупираниот Крим беше оштетен во експлозија, за што рускиот претседател Владимир Путин ја обвини Украина за тероризам.
